Universitet: Masterprogram i humanbiologiske fag - Medisinsk cellebiologi

Etter å ha fullført masterprogrammet skal du:

- Meistre metodane som er nødvendige for å utføre det relevante forskingsprosjektet (både teoretisk og praktisk)

- Ha teoretisk kunnskap om andre essensielle metodar som er aktuelle for forskingsfeltet

- Kunne gjere sjølvstendige litteratursøk og tileigne deg innhaldet i vitskaplege artiklar

- Kunne evaluere dine eigne funn kritisk og diskutere dei i forhold til publisert litteratur

- Kunne framstille eigne forskingsresultat (skriftleg og munnleg) på ein vitskapleg måte

- Ha forståing for grunnforskinga si rolle i moderne medisin

Masterprogrammet inneheld to valfrie metodekurs som gir innblikk i teknologien som blir nytta i dei ulike laboratoria ved Institutt for biomedisin. Dei fagspesifikke emna gir høve til å velje mellom blant anna biokjemiske forandringar ved sjukdom, cellulær signalomforming, oppbygginga og funksjonen til cytoskjelettet, intracellulær trafikk, genregulering og utvikling, nevrokjemi, regulert celledød, tumorbiologi, biletdiagnostiske teknikkar og analysestatistikk.

Masterprogrammet i medisinsk cellebiologi ser slik ut:

1. ss= semester sp= studiepoeng

1. sHUB310 - Vitskapsteori
HUCEL320 eller HUCEL340 - Metodekurs
Valfrie fagspesifikke emne 5 sp
10 sp
15 sp2. sValfritt emne
Valfrie fagspesifikke emne10 sp
20 sp3. og 4. sMasteroppgåve60 sp

s= semester sp= studiepoeng

Studiet er retta mot deg som har ein bachelorgrad i biologi eller molekylærbiologi, bioingeniørutdanning eller tilsvarande.

Andre studieretningar treng følgjande tilleggskompetanse i biologiske basalfag (grunnleggjande kunnskapar i kjemi, biokjemi, cellebiologi og anatomi, som kan gå inn i valfri del av bachelorgraden):

- Fysioterapeutar: kjemi, biokjemi (30 studiepoeng)

- Radiografar: kjemi, biokjemi, cellebiologi (35 studiepoeng)

- Reseptarar: cellebiologi/anatomi (15 studiepoeng)

- Sjukepleiarar: kjemi, biokjemi (30 studiepoeng)

- Kjemiingeniørar: fysiologi, anatomi (30 studiepoeng)

- Bachelorgrad i kjemi: fysiologi, anatomi (30 studiepoeng)

Dersom du har anna utdanning kan du likevel søkje opptak dersom du har minimum 180 studiepoeng med ei fagleg fordjuping innanfor kjemi og biologi.

Opptakskrav

Fagleg minstekrav er gjennomsnittskarakteren C eller betre i opptaksgrunnlaget. I fall det er fleire søkjarar til eit program enn det er plassar, vil søkjarane bli rangerte etter karakterane i opptaksgrunnlaget. Sjå studere.uib.no/master-mo for meir om opptakskrav.