Universitet: Bachelorprogram i USA-studiar

Universitet i Bergen

Form

Klasserom

Varighet

3 år

Deltid

Nei

Heltid

Nivå

Universitet

Send meg gratis info

Les mer om Universitet i Bergen

Se flere kurs fra Universitet i Bergen (171 kurs)

Se 31 kurs i Engelsk kurs

Dette kurset har ikke oppført noen dato for studiestart. Bruk skjemaet under for å kontakte leverandør for nærmere informasjon.

Bachelorprogrammet gir deg kunnskap om det amerikanske samfunnet. Graden gir også kompetanse til å analysere trekk ved amerikansk utvikling og setje hendingar og særtrekk i det amerikanske samfunnet inn i ein større historisk, kulturell, institusjonell og politisk samanheng.

Oppbygging

Bachelorprogrammet i USA-studiar er sett saman på følgjande måte:

Innføringsemne (til saman 30 studiepoeng)

Fellesemne (45 studiepoeng) og valemne (15/30 studiepoeng)

Spesialisering (til saman 90 studiepoeng)

Det første semesteret skal førebu deg fagleg og metodisk til vidare studium, og inneheld tre emne. Akademisk skriving gir deg teoretisk innføring og praktisk øving i å lese og produsere akademiske tekstar. Examen philosophicum gir deg ei innføring i sentrale spørsmål som gjeld kunnskap, moral, venleik, språk, tolking og logikk. Det siste emnet er eit val mellom språk og kommunikasjon og SV100, samfunnsvitskaplege tenkjemåtar.

Bachelorprogrammet kan sjå slik ut med spesialisering i engelsk (1) eller samanliknande politikk (2):

1. semester
Innføringsemne

2. semester
Fellesemne: USA si historie
Fellesemne: Politikk i USA

3. semester
Fellesemne: Amerikansk litteratur og kultur
Spesialisering: engelsk
Spesialisering: politikk

4. semester
1: Spesialisering: engelsk og valemne, til dømes MEVI213 Film, historie, analyse
2: Spesialisering: politikk

5. semester
1: Spesialisering: engelsk eller utanlandsopphald
2: Spesialisering: politikk eller utanlandsopphald

6. semester
1: Spesialisering: engelsk
2: Spesialisering: politikk

Utveksling

Det finst i dag mange alternativ for dei som ønskjer å ta delar av utdanninga si i eit anna land. Universitetet i Bergen har fleire utvekslingsavtaler i USA, og opphald ved eit universitet i USA blir spesielt tilrådd i bachelorprogrammet i USA-studiar. Det er lagt til rette for utveksling i femte eller sjette semester av programmet, avhengig av val av spesialisering.

Yrkesvegar

Bachelorprogrammet i USA-studiar utdannar studentar til ulike yrke der kunnskap om USA er etterspurd. Framtidige yrkesvegar vil variere etter kva fagkombinasjonar du vel og kva for ein praksis du eventuelt opparbeider deg i tillegg til universitetsutdanninga. Aktuelle yrke vil vere innan økonomi, handel og internasjonalt arbeid, innan media, kultur, kommunikasjon og informasjonsarbeid, samt innan undervisning, utgreiing og analyse. For dei fleste som vil vidare innanfor desse yrkesvegane, vil utdanninga truleg vere ein del av eit lengre studium, der ein til dømes også tar mastergrad.

Vidare studium

Programmet kan kvalifisere for opptak til masterstudium i det faget du har spesialisering i.

Spesialisering

Du kan velje spesialisering innan fagområda under.

Historie
Spesialisering i historie inneheld oversiktsemne og fordjupingsemne innan eldre og nyare historie, og spesielle tema for programmet. I tillegg vil studiet gi innsikt i korleis ulike metodiske tilnærmingar påverkar tolkinga av og kunnskapen om fortida.

Samanliknande politikk
Du tek for deg emne innan samanliknande politikk, som utgjer det systematiske studiet av politiske institusjonar, organisasjonar, prosessar og åtferd på lokalt, nasjonalt og internasjonalt plan. Samanlikningar på tvers av politiske system og endringar over tid står sentralt.

Engelsk
Spesialiseringa i engelsk gir deg ei grunnleggjande innføring i engelsk språk, amerikansk litteratur og kultur, og samfunnstilhøve i USA og andre engelsktalande land. Du får vidare øve opp ei kritisk og sjølvstendig haldning til engelskfaget.

Religionsvitskap
Religionsvitskap er det historiske og systematiske studiet av religion som eit kulturelt fenomen. Dei religiøse verdsoppfatningane og verdinormene speler ei nøkkelrolle for forståinga av menneskeleg kultur. Ei vidare målsetjing for faget er såleis at det skal kunne fungere som ein innfallsport til idé- og åtferdstradisjonar i kulturtradisjonar i eit globalt perspektiv.

Forkunnskaper

Generell studiekompetanse eller realkompetanse.

Tilrådde forkunnskapar

I tillegg til norsk er gode engelskkunnskapar nødvendige. Ein del av undervisninga og seminara blir gitt på engelsk og delar av eksamen vil vere på engelsk.