Universitet: Masterprogram i engelsk

Universitet i Bergen

Form

Klasserom

Varighet

2 år

Deltid

Nei

Heltid

Nivå

Universitet

Send meg gratis info

Les mer om Universitet i Bergen

Se flere kurs fra Universitet i Bergen (171 kurs)

Se 31 kurs i Engelsk kurs

Dette kurset har ikke oppført noen dato for studiestart. Bruk skjemaet under for å kontakte leverandør for nærmere informasjon.

Masterprogrammet i engelsk har som mål å utdjupe kunnskapane du har med deg frå tidlegare engelskstudium gjennom eit spesialisert studium i engelsk språk og engelskspråkleg litteratur eller kultur. Studiet skal utvikle ei kritisk og sjølvstendig haldning gjennom teoretisk og metodisk skolering, og dessutan vidareutvikle kompetansen i skriftleg og munnleg engelsk.

Oppbygging av studiet

Masterprogrammet består av to hovuddelar, ein kursdel med fire emne à 15 studiepoeng, og ei masteroppgåve på 60 studiepoeng. I kursdelen for studentar som skriv masteroppgåve i litteratur, må minst eitt av emna omfatte sentrale teoriar og metodar i engelsk litteraturvitskap.

Eit masterprogram i engelsk kan sjå slik ut:

1. semester
To av emna:
ENG301 - Disiplinemne i engelsk lingvistikk (15 stp)
ENG302 - Disiplinemne i engelskspråkleg litteratur (15 stp)
ENG303 - Masteremne i engelsk lingvistikk I (15 stp)
ENG304 - Masteremne i engelskspråkleg litteratur/kultur I (15 stp)

2. semester
To av emna:
ENG305 - Masteremne i engelsk lingvistikk II (15 stp)
ENG306 - Masteremne i engelskspråkleg litteratur/kultur II (15 stp)
ENG307 - Masteremne i engelsk lingvistikk III (15 stp) eller engelskspråkleg litteratur/kultur III (15 stp)

3. og 4. semester
ENG350 - Masteroppgåve (60 stp)

Masteroppgåve

Masteroppgåva er eit vitskapleg arbeid i spesialdisiplinen din. Oppgåva skal vise at du er godt orientert i forskinga i det valde emnet, at du har sett deg inn i relevante teoretiske og metodologiske problemstillingar, og at du har tileigna deg ein vitskapleg arbeidsmåte.

Yrkesvegar

Masterprogrammet i engelsk kvalifiserer for undervisning på alle nivå innanfor skoleverket og for anna arbeid både i offentleg og privat sektor der kunnskap om språk, litteratur og kultur er viktig, for eksempel innanfor informasjonsarbeid, media, reiseliv, omsetjing og eksportretta verksemd. Studiet kan dessutan danne grunnlag for seinare forskarutdanning i engelsk språk- eller litteraturvitskap.

Forkunnskaper

Grunnlaget for opptak til mastergradsprogrammet i engelsk er ein bachelorgrad med spesialisering i engelsk på minst 90 studiepoeng eller tilsvarande. Dersom du har studert ved ein lærestad som har krav om minimum 80 studiepoeng spesialisering/fordjuping, kan dette etter fagleg vurdering bli akseptert som opptaksgrunnlag.

Opptakskrav

Fagleg minstekrav er gjennomsnittskarakteren C eller betre i opptaksgrunnlaget. I fall det er fleire søkjarar til eit program enn det er plassar, vil søkjarane bli rangerte etter karakterane i opptaksgrunnlaget.