Universitet: Masterprogram i fysikk - Partikkelfysikk

Forskingsaktiviteten spenner over eit vidt felt av aktivitetar innanfor partikkelfysikk. Vi arbeider nært saman med CERN (European Organization for Nuclear Research) og andre utanlandske senter for partikkelfysikk, der vi deltek både med utvikling og installasjon av apparatur for framtidige eksperiment så vel som med studium av data frå pågåande og avslutta eksperiment.

Masterprogrammet i partikkelfysikk omfattar:
• eit sjølvstendig vitskapleg arbeid (masteroppgåve) på 60 sp
• emne eller spesialpensum på til saman 60 sp (kva emne som skal inngå, vil avhenge av retninga på masterstudiet)

I samråd med rettleiaren din skal du velje ei masteroppgåve som svarer til 60 sp. Saman skal de utarbeide ei prosjektskisse som inneheld viktige milepålar i arbeidet med oppgåva.

Masteroppgåver kan definerast innanfor alle aktivitetane som er nemnde her:

• Teoretiske studiar av partikkelfysiske prosessar og modellar (kan omfatte både matematiske utrekningar og utrekningar ved hjelp av simuleringsverktøy)

• Studium og tolking av partikkelfysiske prosessar i eksperimentelle data

• Simuleringsstudium av partikkelfysiske prosessar og

korleis dei kan observerast i eksperiment

• Instrumentering, det vil seie utprøving og utvikling av elektronisk apparatur for eksperiment i partikkelfysikk

Oppgåva vil vere av høg relevans og aktualitet i problem-stillingar innanfor dagens partikkelfysikk.

I arbeidet med masteroppgåva skal du på sjølvstendig vis ta i bruk metodar og vitskaplege arbeidsteknikkar frå faget i undersøkinga av eit relevant materiale. Analysar av observasjonsdata og data frå modellar er svært viktig ved

sida av teoretiske og eksperimentelle studiar.

Studiet skal gi deg godt grunnlag for arbeid innanfor forskingsinstitusjonar, universitet og høgskolar, elektronikk-

og instrumenteringsverksemder og skoleverk. Mange har

også fått arbeid i informatikksektoren.

Bachelorgrad i fysikk eller tilsvarande utdanning. Du som har bachelorgrad i andre realfagsdisiplinar eller ingeniørfag kan bli vurdert dersom fysikkbakgrunnen din kvalifiserer for mastergraden. Ei rekkje av masteroppgåvene passar bra for studentar med bachelorgrad i ingeniørfaga elektronikk (HiB), elektro (HSH, UiS) automatiseringsteknikk (HiB, HiÅ og HSF), elkraft (HiB), kommunikasjonsteknologi (HiB), elektronikk/våpen (SSK) og data (UiS). Studierettleiarar ved høgskolen og universitetet kan hjelpe deg med å gjere denne overgangen

så lett som mogleg.