Universitet: Masterprogram i helsefag - Fysioterapivitskap
Universitet i Bergen
Faget fysioterapi har grunnlag i praksis og empiri, og studieretninga fysioterapivitskap tek sikte på å fremje eit teoretisk og vitskapleg fundament. Kroppen og rørslene til mennesket representerer faget sin innfallsport til helse og funksjon, og rørsle er både ei målsetjing og eit middel. Fysioterapi inkluderer kartleggjande så vel som førebyggjande, rehabiliterande og lækjande siktemål, og faget spenner over ulike nivå, frå enkelte detaljfunksjonar til livsutfalding. Fysioterapi har grunnlag i ei mellommenneskeleg, problemløysande og ressursorientert tilnærming.
Dessutan speler faget på generative livsprosessar. Dei fagspesifikke emna skal gi fordjuping og refleksjon i forståing av kroppen og rørslene til mennesket i eit helseperspektiv. Det skal også gi grunnlag for kritisk og analytisk bruk av teoriar og metodar i fysioterapi.
Oppbygging av studiet
Det første semesteret er felles for alle helsefaga og skal gi innsikt i teorien og verdigrunnlaget for helsefaga, i tillegg til grunnleggjande prinsipp for vitskapsteori og forskingsmetode. Den fagspesifikke delen i studiet er lagt til det andre semesteret. Emna Målemetodar og evalueringsformer og Rørslevitskap er obligatoriske, mens emnet Muskel- og skjelettlidingar kan bytast ut mot emne frå andre undervisningsopplegg, kurs eller studieopphald. I det tredje og fjerde semesteret skal du skrive masteroppgåve.
Masterprogrammet i fysioterapivitskap ser slik ut:
1. s HEL310 - Vitskapsteori og sentrale
helsevitskaplege tema
HEL320 - Forskingsmetode og -etikk
15 sp
15 sp 2. s FYST331 - Målemetodar og evalueringsformer
FYST332 - Rørslevitskap
FYST333 - Muskel- og skjelettlidingar 10 sp
10 sp
10 sp 3. og 4. s FYST395 - Masteroppgåve 60 sp
s= semester sp= studiepoeng
Masteroppgåve
Masteroppgåva utgjer 60 studiepoeng og kan vere eit frittståande arbeid eller inngå som ein avgrensa men sjølvstendig del av pågåande forskingsprosjekt. Oppgåva skal presenterast i form av ein monografi eller vitskapleg artikkel (artiklar) som kan publiserast. I oppgåva skal du dokumentere forståing av sentrale forskingsprinsipp og vise evne til systematisk og kritisk analyse av problemstillingar og datatilfang. Du skal vere i stand til å gi ei instruktiv, klar og presis skriftleg framstilling av saksområdet. Masteroppgåva heng saman med den faglege fordjupinga du har valt.Metode
Du får innføring i kvalitative og kvantitative forskingsmetodar inkludert statistikk. I samband med masteroppgåva vel du metodisk tilnærming ut frå den problemstillinga du skal utforske.Forkunnskaper
For å bli teken opp på masterprogrammet i helsefag - fysioterapivitskap må du ha bachelorgrad i fysioterapi og autorisasjon som fysioterapeut.
For søkjarar med grunnutdanning i fysioterapi utan bachelorgrad blir det kravd minimum 180 studiepoeng medrekna grunnutdanninga.
Studiepoeng
120 Studiepoeng
Masterprogram i helsefag - Fysioterapivitskap
100% sikkert skjema
Tar ett minutt å fullføre
Hurtig respons
Åpen deltakerdiskusjon om kurset eller emnet
Del gjerne din erfaring eller tanker om dette kurset eller temaet med andre!