Universitet: Masterprogram i humanbiologiske fag - Human fysiologi

Masterprogrammet i humanbiologiske fag - human fysiologi har som formål å tilby eit heilskapleg fagtilbod innanfor human fysiologi.

Læringsutbyte

Etter at du har fullført masterprogrammet, skal du:

- Meistre metodane som er nødvendige for å utføre det relevante forskingsprosjektet.

- Ha teoretisk kunnskap om andre essensielle metodar som er aktuelle for forskingsfeltet.

- Kunne gjere sjølvstendige litteratursøk og tileigne deg innhaldet i vitskaplege artiklar.

- Kunne evaluere dine eigne funn kritisk og diskutere dei i forhold til publisert litteratur.

- Kunne framstille eigne forskingsresultat på ein vitskapleg måte.

- Ha forståing for grunnforskinga si rolle i moderne medisin.

Oppbygging av studiet

Masterprogrammet i human fysiologi kan sjå slik ut:

1. sHUB310 - Vitskapsteori
HUFY361 og/eller HUFY362 - Metodekurs
HUFY210 - Skrivekurs
HUFY235 - Nevrobiologi 5 sp
5 sp
5 sp
15 sp2. sValfritt emne
HUFY225 - Human fysiologi10 sp
20 sp3. og 4. sMasteroppgåve60 sp

s= semester sp= studiepoeng

Masteroppgåve

Masteroppgåva er eit sjølvstendig forskingsprosjekt som er normert til eitt års arbeid, og blir avslutta med ein munnleg og ein skriftleg presentasjon.

Yrkesvegar

Masterprogrammet fører fram til yrkestittelen humanbiolog og opnar mellom anna for vidare forskingskarriere, undervisning i helselære/biologi, yrke innanfor arbeidsmiljø, offentleg sakshandsaming, legemiddelindustrien eller andre private bedrifter.

Forkunnskaper

Studiet er retta mot deg som har ein bachelorgrad i biologi eller molekylærbiologi, bioingeniørutdanning eller tilsvarande.

Andre studieretningar treng følgjande tilleggskompetanse i biologiske basalfag (grunnleggjande kunnskapar i kjemi, biokjemi, cellebiologi og anatomi, som kan gå inn i valfri del av bachelorgraden):

- Fysioterapeutar: kjemi, biokjemi (30 studiepoeng)

- Radiografar: kjemi, biokjemi, cellebiologi (35 studiepoeng)

- Reseptarar: cellebiologi/anatomi (15 studiepoeng)

- Sjukepleiarar: kjemi, biokjemi (30 studiepoeng)

- Kjemiingeniørar: fysiologi, anatomi (30 studiepoeng)

- Bachelorgrad i kjemi: fysiologi, anatomi (30 studiepoeng)

Dersom du har anna utdanning kan du likevel søkje opptak dersom du har minimum 180 studiepoeng med ei fagleg fordjuping innanfor kjemi og biologi.

Opptakskrav

Fagleg minstekrav er gjennomsnittskarakteren C eller betre i opptaksgrunnlaget. I fall det er fleire søkjarar til eit program enn det er plassar, vil søkjarane bli rangerte etter karakterane i opptaksgrunnlaget.

Studiepoeng

120 Studiepoeng