Universitet: M.Phil. - Health Promotion

Masterprogrammet har som mål å lære deg opp til å bli spesialist innan helsefremjande arbeid. Det overordna målet med helsefremjande arbeid (health promotion) er å arbeide for forbetringar innan helse, og for å redusere nasjonale og globale helseskilnader. Eit vidt definert helseomgrep blir lagt til grunn, og god helse inneber å kunne medverke som sjølvstendig samfunnsmedlem på ein meiningsfylt måte.

All undervisning blir gitt på engelsk.

Masterprogrammet omfattar ein kursdel på til saman

60 studiepoeng og ei masteroppgåve på 60 studiepoeng.

Masterprogrammet kan sjå slik ut:

1. og 2. s

Foundations of Health Promotion

Research Methods Module

Health Promotion Practice Module

20 sp

10 sp

10 sp

2. - 4. s

Elective module

Masteroppgåve

20 sp

60 sp

s= semester sp= studiepoeng

I løpet av det første året skal du også lage ein prosjektplan for masteroppgåva.

Du som søkjer masterprogrammet må ha akademiske kvalifikasjonar som tilsvarar ein bachelorgrad, eller alternativt ein kombinasjon av utdanning og yrkeserfaring som gir kvalifikasjonar på tilsvarande nivå. Du må også ha spesielt god kompetanse innan minst eitt av fagområda eller profesjonane som er mest relevante for helsefremjande arbeid. Dette omfattar, men er ikkje avgrensa til, psykologi, sosiologi, medisin, odontologi, folkehelse, antropologi, økonomi og pedagogikk.

Du må dokumentere at du er dugande i engelsk - både i lesing, skriving og forståing. Dette er viktig fordi engelsk er det språket som blir nytta i undervisninga, ved eksamenar, i skriftlege arbeid som skal innleverast og i masteroppgåva.

Søknaden må innehalde eit støttebrev med ei faglig vurdering av søkjaren.