Universitet: Masterprogram i kjemi
Universitet i Bergen
Målet med masterprogrammet i kjemi er å gi deg ein teoretisk og praktisk bakgrunn på høgt nivå innanfor ulike greiner av kjemien, slik at du kan nyttiggjere deg etablert kunnskap, men også ta del i den vidare utviklinga av fagfeltet. Ein moderne instrumentpark ved instituttet sikrar at det eksperimentelle arbeidet som blir utført, er av høg kvalitet ( vi kan mellom anna nemne høgfelt NMR, UV-, IR- NIR-, Raman-spektrografi, MS og røngtenkrystallografi). Fagkombinasjonane som er sette opp for dei enkelte studieretningane sikrar ei teoretisk og praktisk fordjuping i relevante problemstillingar. Ved å gjennomføre programmet vil du få erfaring i å leggje fram eigne resultat og teoriar både munnleg og skriftleg, samt trening i å innhente og evaluere relevant vitskapleg litteratur.
Masteroppgåve
I samråd med rettleiaren din skal du velje ei masteroppgåve tilsvarande 60 studiepoeng. Saman skal de utarbeide ei prosjektskisse som inneheld viktige milepålar for arbeidet med oppgåva.Yrkesvegar
Ei rekke yrkesvegar er opne for deg som følgjer masterprogrammet i kjemi. Nokre av dei er meir spesifikt knytte til spesielle studieretningar enn andre. Studiet vil gi deg eit godt grunnlag for arbeid innan industri (f.eks. farmasøytisk og oljeretta industri eller ernærings- og prosessindustri), forskings- og utviklingsstillingar, både privat og innan universitets- og instituttsektoren, og arbeid i undervisningssektoren, forvalting og tilsyn, kjemiske analyselaboratorium, miljøovervaking og andre miljøvernrelaterte yrke, IT-relaterte yrke og yrke som har med matematisk modellering og simulering å gjere.Forkunnskaper
Opptaksgrunnlag
Bachelorgrad i kjemi eller tilsvarande utdanning. Du som har ein bachelorgrad i andre realfagsdisiplinar kan bli teken opp dersom bakgrunnen din blir vurdert som tilfredsstillande i forhold til masteroppgåva.Opptakskrav
Fagleg minstekrav er karakteren C eller betre i opptaksgrunnlaget. Dersom det er fleire søkjarar til eit program enn det er plassar, vil søkjarane bli rangerte etter karakterane i opptaksgrunnlaget. Ved siste opptak fekk alle kvalifiserte søkjarar tilbod om studieplass. Sjå studere.uib.no/master-mn for meir om opptakskrav.Studiepoeng
120 Studiepoeng
Masterprogram i kjemi
100% sikkert skjema
Tar ett minutt å fullføre
Hurtig respons
Åpen deltakerdiskusjon om kurset eller emnet
Del gjerne din erfaring eller tanker om dette kurset eller temaet med andre!