Universitet: Masterprogram i latin

Universitet i Bergen

Form

Klasserom

Varighet

2 år

Deltid

Nei

Heltid

Nivå

Universitet

Send meg gratis info

Les mer om Universitet i Bergen

Se flere kurs fra Universitet i Bergen (171 kurs)

Dette kurset har ikke oppført noen dato for studiestart. Bruk skjemaet under for å kontakte leverandør for nærmere informasjon.

På masterprogrammet i latin skal ein først auke den generelle kunnskapen om latinsk litteratur frå ulike sjangrar og tidsperiodar ved å lese eit tekstpensum som er valt ut for å utfylle det du har lese på lågare nivå. Det blir stilt større krav enn på bachelornivå når det gjeld å kunne forstå tekstane og på eiga hand hente inn kunnskap i samband med lesinga. I løpet av dei fire semestra studiet varer skal du dessutan ta del i metode- og oppgåveseminara til seksjonen, med gradvis auka krav til aktiv medverking, og i forskarkursa som blir arrangerte over relevante tema og metodar. Arbeidet med masteroppgåva skal gjere deg i stand til å skaffe deg eit kritisk overblikk over primærmateriale og tidlegare forsking på emnet. Du skal også lære å bruke vitskaplege metodar på materialet i praksis. Du skal gjere greie for resultata, både i munnleg form undervegs og i skriftleg form, med vitskapleg apparat, i sjølve masteroppgåva.

Oppbygging av studiet

Eit masterprogram i latin kan sjå slik ut:

1. semester:

LAT301- Latin tekstpensum 15 sp

LAT303- Valemne 15 sp

2. semester:

LAT304- Metodekurs 10 sp

LAT305- Særpensum 10 sp

LAT306- Prosjektførebuing 10 sp

3. og 4. semester:

LAT350- Masteroppgåve 60 sp

sp= studiepoeng

Masteroppgåve

Masteroppgåva skal vere eit sjølvstendig arbeid som viser forståing, refleksjon og modning. Oppgåva skal vise at du kan arbeide med og tolke eit tekstleg kjeldemateriale, at du er fortruleg med vitskapleg metode, og at du meistrar litteratursøking og bruk av forskingslitteratur og tekstbasar. Temaet kan gjelde litterære tekstar, innskrifter, historiske dokument osv. frå den antikke mellomalderen eller tidleg moderne tid. Problemstillinga kan vere av språkvitskapleg eller litteraturvitskapleg art (eller nærme seg religionshistorie, resepsjonshistorie osv.), men det er studiet av tekstar som skal vere grunnlaget.

Metode

Filologiske studiar av tekstar på originalspråket er sjølve grunnlaget. Det kan gjelde litterære eller faglitterære tekstar, innskrifter, historiske dokument osv. Men ettersom dei problema som masteroppgåva er konsentrert om kan vere av språkvitskapleg, litteraturvitskapleg, historisk, religionshistorisk, resepsjonshistorisk (osv.) karakter, blir også andre metodar relevante.

Yrkesvegar

Ein mastergrad i latin vil kvalifisere for arbeid innafor skolesektoren og forskingsinstitusjonar på høgare nivå, som til dømes forlag, aviser og kulturformidling. Han gir dessutan eit godt allment grunnlag for alle verksemder der ein verdset avansert språkleg kompetanse, kritisk-analytisk evne og innsikt i dei lange linjene i den europeiske kulturhistoria.

Forkunnskaper

Studiet byggjer på fullført bachelorgrad eller tilsvarande utdanning teken i Noreg eller utlandet. Bachelorstudiet må omfatte ei spesialisering i latin på minst 90 studiepoeng. Dersom du har studert ved ein lærestad som har krav om minimum 80 studiepoeng spesialisering/fordjuping, kan dette etter fagleg vurdering bli akseptert som opptaksgrunnlag.

Opptakskrav

Fagleg minstekrav er gjennomsnittskarakteren C eller betre i opptaksgrunnlaget. I fall det er fleire søkjarar til eit program enn det er plassar, vil søkjarane bli rangerte etter karakterane i opptaksgrunnlaget.