Universitet: Masterprogram i medievitskap

Siktemålet med masterprogrammet er å styrkje studentane sine historiske og teoretiske kunnskapar, analytiske evner og kritiske kompetanse i forhold til medium og kommunikasjon som sosiale og kulturelle fenomen. Vidare skal studiet fremje forståing for samspelet mellom kulturhistoriske, økonomiske og teknologiske forhold og deira innverknad på medie- og kulturproduksjon, estetikken og dei kulturelle formene til media og samvirket mellom media og andre samfunnsinstitusjonar.

Oppbygging av studiet

Masterprogrammet er toårig og er sett saman av to delar: ein kursdel og ei masteroppgåve. Kvart semester tilbyr instituttet eit kurs i masteroppgåveskriving. Dei andre kursa er fordelte på fire emneområde: (1) Institusjons- og produksjonsstudiar, (2) Tekstteori og -analyse, (3) Publikums- og resepsjonsstudiar og (4) Media og kultur. Du skal velje tre slike kurs, og desse kursa skal dekkje minst to av emneområda.

Eit masterprogram i medievitskap kan sjå slik ut:

1. sINFOMEVI300 - Prosjektarbeid og forskingsdesign
Valemne15 sp

15 sp2. sValemne
Valemne15 sp

15 sp3. og 4. sMEVI350 - Masteroppgåve60 sp

s= semester sp= studiepoeng

Masteroppgåve

Den sentrale delen av masterprogrammet er det sjølvstendige arbeidet med ei masteroppgåve. Masteroppgåva skal kunne gjennomførast i løpet av eitt år.

Yrkesvegar

Ein mastergrad i medievitskap kvalifiserer for forsking og undervisning, og for arbeid i medie-, kultur- og informasjonssektoren.

Opptaksgrunnlag

Bachelor-/cand.mag.-grad med godkjend spesialisering/fordjuping (80-90 studiepoeng/1 12 års studium) i medievitskap. I den seinare tida er det blitt gitt direkte opptak til masterprogrammet i medievitskap for studentar med tilstrekkeleg spesialisering/fordjuping i medievitskap, for eksempel frå NTNU, Høgskolen i Volda, Høgskolen i Oslo eller Høgskolen i Stavanger. Vi understrekar at godkjenninga kan vere avhengig av studieretninga/emnet, slik at det framleis blir kravd individuelle søknader. Mediestudium frå andre institusjonar har gitt innpassing mot at studenten tek eitt eller to emne på 200-nivå i medievitskap. Kravet om individuell søknad gjeld også her

Forkunnskaper

Dersom det er fleire søkjarar til eit program enn det er plassar, vil søkjarane bli rangerte etter karakterane i opptaksgrunnlaget. Gjennomsnitt for dei to siste opptaka har vært 31,7 konkurransepoeng. Sjå studere.uib.no/master-sv for utrekning av konkurransepoeng

Studiepoeng

120 Studiepoeng