Folkehøgskole: Jazz, blues og country

Linjeplan for improvisasjonslinja «Jazz, blues og country»

Vi ønskjer elevar med variert erfaring, og du er velkomen om du har spelt i korps, vore med i strykeorkester, slit litt med gitaren - eller berre vil lære meir om musikk og improvisasjon.

Vi vil at utøving av musikk saman med andre, i tillegg til å utvikle deg sjølv musikalsk, skal fremje sosial kompetanse, kjensle av fellesskap og personleg vekst.

Du vil få utvikle dine evner og kunnskapar om improvisasjon innan jazz, blues eller country.

På improvisasjonslinja vil du lære om og utøve mange ulike former for musikk. I og med samarbeidet med musikallinja, vil det bli lagt stor vekt på musikk som er arrangert for revy og teater. Du får også prøve deg på ulike andre retningar innan rytmisk musikk, men med hovudvekt på improvisasjon - jazz, blues og country.

Eit samspelorkester vil vere eit viktig moment på linja, og i dette kan alle elevane ved musikklinja delta. Orkesteret inkluderer mange typar instrument, også strykarar og blåsarar. Her dreg vi veksel på det du eventuelt kan frå før.

Sjølv om du ikkje har vurdert musikkonservatoriet, kan eit år hos oss utvikle dine musikalske evne slik at du kan glede deg sjølv og andre med dei resten av livet!