Universitet: Masterprogram i etnomusikologi og musikkvitskap

Mål og innhald

Masterprogrammet i etnomusikologi og musikkvitskap er primært knytt til forståingar av musikk i og som kultur. Faget er interdisiplinært og byggjer på teoriar og metodar frå musikkvitskap og etnomusikologi, men også frå populærmusikkstudium, litteratur- og kulturstudium, medieforsking, historie, etnologi, antropologi, sosiologi og andre tilgrensande fagfelt og disiplinar. Studiet bruker eit breitt spekter av teoretiske tilnærmingar og forskingsmetodar henta frå humaniora og samfunnsvitskap. Kunnskap om musikk og musikkforståing relatert til kulturteori står sentralt i studiet.

Oppbygging av studiet

Masterprogram i etnomusikologi og musikkvitskap er tilrettelagt som heiltidsstudium over fire semester. Opptak av nye studentar skjer om sommaren. Musikkforsking 301 og 302 vert tekne i første semester. Metodologiske tilnærmingar og eit valfritt emne vert tekne i andre semester.

Masterprogrammet ser slik ut:

1. semester:

• Musikkforskning 301: Kulturelle og sosiale tilnærmingar 15sp
• Musikkforskning 302: Fordjupningemne 15sp

2. semester:

• Musikkforskning 303:Metodologiske tilnærmingar 15sp
• Valfritt emne 15sp

3. og 4. semester:

• Masteroppgåve 60 sp

sp= studiepoeng

Masteroppgåve

Arbeidet med masteroppgåva går føre seg i det tredje og fjerde semesteret. Du får individuell rettleiing gjennom heile studiet, sjølv om du først får utpeikt ein hovudrettleiar i det andre semesteret i samband med at problemstillinga og temaet for masteroppgåva blir endeleg utforma.

Opptaksgrunnlag

For å verta teken opp på masterstudiet krevs bachelorgrad eller tilsvarande i musikk eller anna kultur- eller samfunnsfag. Søkarar må kunna dokumentera minst 60 studiepoeng frå eitt eller fleire område innan estetiske fag, med utgangspunkt i human- eller samfunnsvitskaplege perspektiv, som t.d. musikkvitskap, historie, filosofi, litteraturvitskap, kulturstudier, mediavitskap, antropologi eller etnologi. Søkarar må leggja ved eit brev som gjer greie for kva deler av utdanninga deira som tilfredsstiller desse krava.

For utanlandske søkjarar gjeld i tillegg:

Søkjarar som ikkje meistrar norsk eller eit anna skandinavisk språk, må kunna dokumentera engelskkunnskapar på høgt nivå slik at rettleiing, delar av fellesundervisninga og det skriftlege arbeidet med masteroppgåva kan gjennomførast. Me gjer elles merksame på at seminarundervisninga vil vera på både norsk og engelsk, og studentane må sjølve ta ansvaret for å tileigna seg det samla faglege innhaldet i undervisninga.

Studentar som ønskjer å søkje opptak til masterprogram i etnomusikologi og musikkvitskap på anna grunnlag enn det som er oppgitt å vere godkjent spesialisering, må søkje om godkjenning på førehand, seinast innan 1. mai. Slike søknader må innehelde karakterutskrift/vitnemål, pensumliste og beskriving av dei emna søkjaren meiner skal erstatte ei ordinær spesialisering. Ei eventuell godkjenning må leggjas ved søknaden til masterprogrammet.

Forkunnskaper

Fagleg minstekrav er gjennomsnittskarakteren C eller betre i opptaksgrunnlaget. I fall det er fleire søkjarar til eit program enn det er plassar, vil søkjarane bli rangerte etter karakterane i opptaksgrunnlaget. Sjå studere.uib.no/master-hf for meir om opptakskrav.

Studiepoeng

120 Studiepoeng