Fagskole: Overflateteknikk, Vg2

Overflateteknikk forvaltar store økonomiske og samfunnsmessige verdiar. Materiale, arbeidsprosessar og metodar er i kontinuerleg utvikling, og det blir stadig utvikla nye og meir miljøvennlege produkt. På den måten kan programfaga medverke til å skape gode arbeids- og bumiljø, ta omsyn til helse, miljø og trivsel og fremje ei berekraftig utvikling.

Overflateteknikk skal medverka til utvikling av fagkunnskapar, ferdigheiter og haldningar som skal gjera den enkelte i stand til å vera aktivt med i samfunnsliv og arbeidsliv. Vidare skal opplæringa utvikle evne til å meistra utfordrande arbeidsoppgåver og handtera nye materiale og tekniske hjelpemiddel og miljøvennlege produkt.. Opplæringa i faga skal òg utvikla evne til fleksibilitet, kreativitet og kritisk vurdering og leggja grunnlaget for vidareutvikling av eigen fagkompetanse.

I opplæringa skal det leggjast vekt på tverrfagleg samarbeid og praktisk arbeid. Bruk av ulike læringsarenaer og samarbeid med lokalt næringsliv kan fremja utviklande arbeidsprosessar.

VG2 Overflateteknikk gjev god teoretisk bakgrunn for fagbrevet som reinhaldsoperatør eller industrimalar.