Universitet: Masterprogram i Modelbasert samfunnsplanlegging (systemdynamikk)
Universitet i Bergen
Mange problem i det verkelege livet er komplekse på den måten at dei er vanskelege å identifisere, beskrive og analysere. Typisk er det dynamikk, ulinearitetar, uvisse og mangel på data som gir opphav til kompleksiteten.
Trass i kompleksiteten må folk ta avgjerder. Erfaringar og laboratorieeksperiment tyder på at folk misoppfattar systema og tyr til tiltak med annan verknad enn den ønskte.
Formålet med masterprogrammet er å auke evna di til å identifisere, representere, analysere, designe og kontrollere ulineære, dynamiske feedback-system innanfor og mellom eit stort utval av fagdisiplinar. Programmet fokuserer på sosiale system i interaksjon med naturlege og tekniske system. Sentrale tema er utviklingsproblematikk, fornybare ressursar og undervisning. Du skal utvikle dugleik i å bruke teoriar, metodar, teknikkar og programvare. Reiskapane inkluderer program for modellering, simulering og analyse for å byggje interaktive læremiljø og konstruere laboratorieeksperiment. Reiskapane dekkjer både analyse og formidling.
All undervisning blir gitt på engelsk.
Oppbygging av studiet
Masterprogrammet i systemdynamikk består av seks emne i løpet av det første året og ei masteroppgåve andre året.
Masterprogrammet kan sjå slik ut:
1. og 2. sGEO-SD202 - Model-based analysis and policy designGEO-SD203 - System dynamics modelling
GEO-SD304 - Advanced system dynamics modelling
GEO-SD305 - Interactive learning environments
GEO-SD306 - Laboratory experiments and bounded rationality
GEO-SD307 - Thesis proposal writing
GEO-SD201 - Introduction to model-based analysis
and policy design
GEO-SD321 - Model-based development planning10 sp
10 sp
10 sp
5 sp
10 sp
5 sp
5 sp
10 sp3. og 4. sGEO-SD350 Masteroppgåve 60 sp
s= semester sp= studiepoeng
Emna omfattar forelesingar, arbeidsseminar, seminar og kursoppgåver. Dette er obligatorisk for å få ta eksamen.
Masteroppgåve
Som eit ledd i GEO-SD307 skal du utarbeide og levere ein søknad om masteroppgåve i systemdynamikk i løpet av det andre semesteret. Du får rettleiing både i samband med utforming av oppgåvesøknaden og under sjølve arbeidet med oppgåva.Metode
Systemdynamikk er metoden som blir brukt i masteroppgåva. Med hjelp av grafiske teknikkar og simulering prøver ein å forstå årsakene til problematisk åtferd i komplekse og dynamiske system. Når årsakene er funne, blir dei same metodane nytta til å finne fram til strategiar og informasjonstiltak som sikrar ei best mogleg utvikling. I tillegg blir laboratorieeksperiment nytta til å forske på korleis folk resonnerer når dei tek avgjerder i komplekse, dynamiske system, og til å prøve ut ulike pedagogiske knep.Yrkesvegar
Folk med bakgrunn i systemdynamikk finn ein i svært ulike stillingar. Typiske arbeidsplassar er akademia, konsulentfirma, store selskap, offentlege og ikkje-offentlege organisasjonar. Oppgåvene varierer frå overordna planlegging og strategianalyse til detaljert modellering, systemtenking, administrasjon og til det å stille uortodokse spørsmål og vere kreativ.Forkunnskaper
For å bli teken opp til masterprogrammet i systemdynamikk må du ha ein bachelorgrad frå eit godkjent universitet eller tre år med studium som UiB godkjenner, og som kan samanliknast med ein bachelorgrad. Dette er minimumskrav. Opptak vil også avhenge av kva for grad du har teke, karakterar, og tidlegare utdanning og erfaring sin relevans for masterprogrammet i systemdynamikk.
Opptakskrav
Søkjarar vil bli vurderte av ein eigen komité ut frå mellom anna emnesamansetjing og karakterar.
Studiepoeng
120 Studiepoeng
Masterprogram i Modelbasert samfunnsplanlegging (systemdynamikk)
100% sikkert skjema
Tar ett minutt å fullføre
Hurtig respons
Åpen deltakerdiskusjon om kurset eller emnet
Del gjerne din erfaring eller tanker om dette kurset eller temaet med andre!