Høgskole: Bachelor i sjukepleie

Kort beskrivelse av studiet:

Som sjukepleiar får du høve til å:

    * Møte menneske i ulike livssituasjonar
    * Gi omsorg til enkeltmenneske i ein meiningsfylt samanheng
    * Utvikle deg både fagleg og personleg
    * Ta del i tverrfagleg samarbeid
    * Vere med å påverke utviklinga i helsevesenet

Etter fullført treårig sjukepleiarutdanning oppnår du autorisasjon som sjukepleiar, og ein bachelorgrad i sjukepleie.

Innhold/fagområder i studiet:

Sjukepleien sitt faglege og vitskaplege grunnlag (33 sp) :

    * sjukepleiens historie, tradisjon og yrkesetikk
    * sjukepleieforsking og fagutvikling
    * vitskapsteori og forskingsmetode
    * etikk

Sjukepleiefaget og yrkesgrunnlaget (72 sp) :

    * Sjukepleiarens yrkesfunksjon i kommune og i spesialisthelsetenesta

Medisinske og naturvitskaplege emne (45 sp) :

    * anatomi, fysiologi og biokjemi
    * patologi, sjukdomslære og farmakologi
    * mikrobiologi og hygiene

Samfunnsvitskaplege emne (30 sp) :

    * psykologi og pedagogikk
    * kommunikasjon, leiing og konfliktløysing
    * sosiologi og sosialantropologi
    * helsepolitikk og helserett

Organisering av studiet:

Første året er det fokus på eldre i sjukeheim og den generelle sjukepleien. Andre året er fokus sett på kommunehelsetenesta dvs. heimesjukepleie, førebyggande helsearbeid og psykisk helsearbeid. Tredje året er konsentrert om sjukepleie innanfor spesialisttenesta (sjukehus).

Undervisningsmetodar

Høgskolen legg vekt på studentaktive læringsmetodar. Øving i klinikklaboratorium, m.a. ved bruk av avansert pasientsimulatorar, står sentralt i dette.

Praksisstudium

Praksisstudia omfattar sjukepleie til menneske i alle aldrar. Studentane får erfaring frå sjukepleie i heim og på institusjon, frå menneske med akutte og kroniske lidingar, rehabiliteringstrengande og utsette grupper. Praksisstudia blir gjennomførte i kommunehelsetenesta, i psykisk helsevern, i spesialisthelsetenesta i sjukehus og i andre institusjonar.

Jobber du kan få:

Sjukepleiarane arbeider i det offentlege og private helsevesenet, både i spesialist- og primærhelsetenesta.

Som sjukepleiar vil du også ha mange internasjonale arbeidsmuligheiter.

Videre studier/utenlandsopphold

Ønsker du å ta deler av utdanninga i utlandet har høgskolen har samarbeid med:

    * USA - Pacific Lutheran University
    * Australia - James Cook University
    * Skottland - Robert Gordon University
    * Landa i Norden - Nordplusprogrammet

Vidare studium

Sjukepleiefaglege vidareutdanningar

Etter gjennomført sjukepleiarutdanning kan du ved Høgskolen i Ålesund ta desse sjykepleiefaglege vidareutdanningane:

    * Anestesi-, intensiv- og operasjonssjukepleie
    * Kreftsjukepleie
    * Helsesøsterutdanning med folkehelseprofil
    * Praksisveiledning for sjukepleiarar

Ved andre høgskolar og universitet kan du m.a. vidareutdanne deg til jordmor eller til spesialsjukepleiar innan psykisk helsearbeid, eller ta ein mastergrad.

Ønskjer du å forske innanfor sjukepleiefaget, kan du gå vidare på mastergrads- og PHDstudier ved ulike universitet i inn- og utland.

Tverrfaglege vidareutdanningar

Høgskolen i Ålesund tilbyr tverrfagleg vidareutdanning innan:

    * Rehabilitering
    * Veiledningspedagogikk
    * Karriererettleiing
    * Leiing i helse- og sosialtenesten
    * Forskingsmetode, vitskapsteori og fagleg skriving

Høgskolen i Ålesund samarbeidar med Høgskulen i Volda om Mastergrad i helse- og sosialfag - meistring og myndiggjering.

Ved andre høgskolar og universitet kan du ta fleire tverrfaglege vidareutdanningar, eller ta ein mastergrad innanfor relevante fagområde.

Forkunnskaper

Studiepoeng