Universitet: Masterprogram i tysk

Universitet i Bergen

Form

Klasserom

Varighet

2 år

Deltid

Nei

Heltid

Nivå

Universitet

Send meg gratis info

Les mer om Universitet i Bergen

Se flere kurs fra Universitet i Bergen (171 kurs)

Se 7 kurs i Tyskkurs

Dette kurset har ikke oppført noen dato for studiestart. Bruk skjemaet under for å kontakte leverandør for nærmere informasjon.

Masterprogrammet i tysk skal gi grundig innsikt i tysk språk og tyskspråkleg litteratur. Det blir samtidig lagt stor vekt på å auke kompetansen din i bruken av moderne tysk gjennom arbeid med varierte skriftlege og munnlege oppgåver.

Oppbygging av studiet

Masterprogrammet i tysk er eit fulltidsstudium over fire semester med ein kursdel på 60 studiepoeng og ei masteroppgåve på 60 studiepoeng. I kursdelen inngår ein basisdel i språk, litteratur og kultur (1. semester) og ein spesialdel i anten språk eller litteratur (2. semester). Det blir tilrådd at du vel slik at spesialdelen og temaet for masteroppgåva ligg innanfor same hovuddisiplin.

Eit masterprogram i tysk kan sjå slik ut:

1. semester
TYS311 - Moderne tysk språk, litteratur og kultur (15 stp)
TYS312 - Seminaremne I i tysk språk (15 stp) eller TYS313 - Seminaremne I i tyskspråkleg litteratur (15 stp)

2. semester
TYS314 - Seminaremne II i tysk språk (15 stp) eller TYS315 - Seminaremne II i tyskspråkleg litteratur (15 stp)
TYS316 - Seminaremne i tysk språkvitskap (15 stp) eller TYS317 - Seminaremne i tysk litteraturvitskap (15 stp)

3. og 4. semester
TYS350 - Masteroppgåve (60 stp)

Masteroppgåve

Masteroppgåva er ei prøve på vitskapleg arbeid innanfor språk eller litteratur. Oppgåva skal vise at du er godt orientert i forskinga på det området du har valt, og at du er i stand til å behandle ei problemstilling på ein vitskapleg måte.

Yrkesvegar

Masterprogrammet i tysk kvalifiserer for undervisning på alle nivå i skoleverket og for anna arbeid både i offentleg og privat sektor der kunnskap om språk, litteratur og kultur er viktig. Studiet kan dessutan danne eit grunnlag for seinare forskarutdanning innanfor tysk språk- eller litteraturvitskap.

Forkunnskaper

Masterprogrammet i tysk byggjer på ein bachelorgrad med spesialisering i tysk på minst 90 studiepoeng eller ei tilsvarande utdanning. Dersom du har studert ved ein lærestad som har krav om minimum 80 studiepoeng spesialisering/fordjuping, kan dette etter fagleg vurdering bli akseptert som opptaksgrunnlag.

Opptakskrav

Fagleg minstekrav er gjennomsnittskarakteren C eller betre i opptaksgrunnlaget. I fall det er fleire søkjarar til eit program enn det er plassar, vil søkjarane bli rangerte etter karakterane i opptaksgrunnlaget.